Slot: "Liverpul"dakı gələcəyimdən narahat deyiləm"

"Liverpul"un baş məşqçisi Arne Slot Çempionlar Liqasının 5-ci turunda PSV-yə 4:1 hesablı məğlubiyyət haqda danışıb.

Operativ Media xəbər verir ki, o, gələcəyi üçün narahat olmadığını bildirib.

"Xeyr, narahat deyiləm. Diqqətimi başqa şeylərə yönəldirəm, klubdakı mövqeyimdən narahat deyiləm. Daha yaxşı işləməliyəm", - deyə Slot qeyd edib.

"Liverpul" Çempionlar Liqasının ümumi turnir cədvəlində 9 xalla 13-cü yerdədir. Premyer Liqada 12 oyundan 18 xalla 11-ci pillədə qərarlaşıb.