"Qarabağ"ın rəqibinin matçı yarımçıq dayandırılıb

Niderland çempionatının 14-cü turu çərçivəsində keçirilən "Ayaks" - "Qroningen" matçı yarımçıq dayandırılıb.

Operativ Media xəbər verir ki, buna səbəb ev sahibi komandanın azarkeşlərinin pirotexniki vasitələrdən istifadə etməsi olub.

Oyunun baş hakimi matçı 5-ci dəqiqədə saxlayıb.

Klub açıqlamasında həmin sektor üzrə pirotexniki vasitələrdən istifadə edən azarkeşlərin axtarışına başlandığını bildirib.

Qeyd edək ki, "Ayaks" dekabrın 10-da Bakıda "Qarabağ"la üz-üzə gələcək. Çempionlar liqasında 5 turdan sonra Niderland təmsilçisi xal toplaya bilməyib və sonuncu pillədə qərarlaşıb.