"Qızıl top"un üçqat sahibinin ayağı sınıb
Əziz Əzizli
"Barselona"nın yarımmüdafiəçisi Aitana Bonmatinin İspaniya millisi ilə məşq zamanı ayağı sınıb.
Operativ Media xəbər verir ki, bu barədə İspaniya Kral Futbol Federasiyasının (RFEF) mətbuat xidməti məlumat yayıb.
Noyabrın 30-da səhər məşqi zamanı Bonmati zədələnib. Sonradan həkimlər ona sol fibula sınığı diaqnozu qoyublar. O, sağalmağa başlamaq üçün Barselonaya qayıdacaq.
27 yaşlı ispaniyalı 3 dəfə “Qızıl top”un (2023, 2024 və 2025) qalibi olub.
O, "Barselona"nın heyətində 326 oyun keçirib, 117 qol vurub. Bonmati İspaniya millisində 83 oyun keçirib, 31 qol vurub.
