Yuri Vernidub "Neftçi"nin oyununu izləyəcək

Ukraynalı mütəxəssis Yuri Vernidub bu gün keçiriləcək Azərbaycan Premyer Liqasının 14-cü turunun “Sabah” – “Neftçi” matçını izləyəcək.

Operativ Media xəbər verir ki, bundan sonra Vernidubun rəsmən təqdim olunacağı və 15-ci turun “Sumqayıt”la oyununa yeni baş məşqçi kimi rəhbərlik edəcəyi gözlənilir.

Təcrübəli məşqçi artıq köməkçilərini də müəyyən edib ki, onlardan biri də onun oğlu, əvvəllər “Qəbələ”də çıxış etmiş (2015-18) Vitali Vernidub olacaq. Onun digər iki köməkçisi isə Sənan Qurbanov və Aqil Məmmədov olacaq.