ABL: "Sumqayıt" "Ordu"ya, "Şəki" NTD-yə qarşı

Bu gün Azərbaycan Basketbol Liqasının IX turunda daha iki oyun keçiriləcək.

Operativ Media xəbər verir ki, Əvvəlcə “Sumqayıt” “Ordu” kollektivi ilə qarşılaşacaq. Oyun Sumqayıt Olimpiya İdman Kompleksində, saat 19:00-da başlayacaq. Bir saat sonra NTD və “Şəki” “Sərhədçi” İdman Mərkəzində üz-üzə gələcək.

A qrupunda yer alan “Şəki” 9 xalla beşinci, rəqibindən 1 xal geri qalan NTD isə 8 xalla altıncıdır. B qrupuna 16 xalı olan “Ordu” kollektivi başçılıq edir. 10 xalı olan “Sumqayıt” sonuncu – altıncı sırada qərarlaşıb.

Qeyd edək ki, turun əvvəlki qarşılaşmalarında “Quba” “Lənkəran”ı (95:87), “Naxçıvan” isə “Sərhədçi”ni (90:74) məğlub edib.