Zığ dairəsi-Hava Limanı yolunda sürət həddi əvvəlki vəziyyətinə qaytarılıb - YENİLƏNİB

Yağışlı hava şəraiti ilə əlaqədar olaraq Bakının Zığ dairəsi-Hava Limanı yolunda bəzi zolaqlar üzrə 20 km/saat endirilən sürət həddi bərpa edilərək əvvəlki vəziyyətinə qaytarılıb.

Operativ Media xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi (NİİM) məlumat yayıb.

Qeyd edək ki, daha əvvəl sözügedən istiqamətdə bəzi zolaqlar üzrə sürət həddi 20 km/saat endirilib.

***

21 dekabr 20:49

Bakıda müşahidə olunan yağışlı hava şəraiti ilə əlaqədar Zığ dairəsi–Hava Limanı avtomobil yolunda bəzi zolaqlar üzrə sürət həddi 20 km/saatadək endirilib.

Operativ Media xəbər verir ki, bu barədə Daxili İşlər Nazirliyinin Nəqliyyatı İntellektual İdarəetmə Mərkəzi məlumat yayıb.

Bildirilib ki, mövcud şəraitlə əlaqədar Mərkəzin əməkdaşları tərəfindən məlumat-sürət tablolarında müvafiq dəyişikliklər edilib, həmçinin bütün tablolarda “sürüşkən yol” xəbərdarlıq nişanı yerləşdirilib.

Sürücülərdən müəyyən edilmiş sürət həddinə əməl etmələri və yol hərəkəti qaydalarına diqqətlə riayət etmələri xahiş olunur.