Avropa İttifaqı (Aİ) qurumları 2020-ci ildəki istehlak hədəfi ilə müqayisədə 2030-cu ilə qədər Birlik daxilində yekun enerji istehlakını 11,7 faiz azaltmağa razılaşıblar.

"Operativ Media" xəbər verir ki, Avropa Şurası üzv ölkələrlə Avropa Parlamenti (AP) arasında enerji səmərəliliyinin tənzimlənməsi üzrə danışıqlarda razılıq əldə edildiyini bildirib .

Müvafiq olaraq, 2030-cu ilə qədər Aİ üzrə son enerji istehlakı yüzdə 11,7 azalacaq.

Yekun enerji istehlakı limiti üzv dövlətlər üçün kollektiv şəkildə məcburi olacaq.

Üzv dövlətlərə hədəfə çatmaq üçün müəyyən çeviklik veriləcək.

Son enerji istehlakı üçün illik enerjiyə qənaət hədəfi 2024-cü ildən 2030-cu ilə qədər tədricən artırılacaqdır.

Üzv ölkələr bu müddət ərzində son enerji istehlakında hər il orta hesabla 1,49 faiz qənaət edəcəklər. İllik qənaət dərəcəsi 2030-cu ilin sonuna qədər 1,9 faizə çatacaq.

Yeni qaydaların qüvvəyə minməsi üçün AP və onun üzv dövlətləri onu rəsmən təsdiqləməlidirlər.