Çexiya Prezidenti Petr Pavel martın 16-17-də Polşaya səfər edəcək.

“Operativ Media" xəbər verir ki, bu barədə dövlət başçısının administrasiyasına istinadən Çex Xəbər Agentliyi məlumat yayıb.

Qeyd olunub ki, səfər danışıqların planlaşdırıldığı Polşa Prezidenti Andjey Dudanın dəvəti ilə həyata keçiriləcək. Pavel Polşa lideri ilə fevralda Münhendə keçirilən təhlükəsizlik konfransı zamanı görüşüb.

Bu, Pavelin gələn bazar ertəsi Slovakiya səfərindən sonra xaricə ikinci rəsmi səfəri olacaq.