Sumqayıtda “Toyota Camry” idarəetmədən çıxaraq aşıb

Sumqayıt şəhərində yol-nəqliyyat hadisəsi baş verib.

Operativ Media xəbər verir ki, hadisə şəhərin Koroğlu prospektində qeydə alınıb.

Belə ki, hərəkətdə olan “Toyota Camry” markalı minik avtomobili naməlum səbəbdən idarəetmədən çıxaraq aşıb.

Qəza nəticəsində müxtəlif dərəcəli bədən xəsarətləri alan şəxslərin olduğu bildirilir.

Hadisə yerinə hüquq-mühafizə orqanlarının əməkdaşları cəlb olunub.

Faktla bağlı araşdırma aparılır.