Səfirlik: Azərbaycan vətəndaşlarına ABŞ vizasının verilməsi dayandırılmayıb

Azərbaycan vətəndaşlarına ABŞ vizasının verilməsi dayandırılmayıb.

Operativ Media xəbər verir ki, bu barədə ABŞ-nin Bakıdakı səfirliyi məlumat yayıb.

"Yerli mediada ABŞ-nin 75 ölkənin, o cümlədən Azərbaycanın vətəndaşları üçün bütün viza növlərini dayandırdığı iddiası ilə bağlı məqalələrin yayımlandığını müşahidə etmişik.

Bildiririk ki, bu məlumat həqiqəti əks etdirmir: sözügedən fasilə yalnız immiqrant (daimi yaşayış) vizalarına aiddir və turist, işgüzar səfər, tələbə və mübadilə proqramları üzrə qeyri-immiqrant viza müraciətlərinə şamil edilmir. ABŞ-nin Bakıdakı səfirliyində qeyri-immiqrant viza müraciətlərinin qəbulu davam edir". - paylaşımda qeyd olunub.