Almaniyanın müdafiə naziri Boris Pistorius Rusiya ordusunun Ukraynadakı hərəkətləri ilə bağlı mübahisəli açıqlamasından sonra silahlı qüvvələrin rəhbərini dəyişmək qərarına gəlib.

"Operativ Media" xəbər verir ki, bu barədə AFP Almaniya hərbi idarəsindəki mənbələrə istinadən məlumat yayıb.

Agentliyin məlumatına görə, general Eberhard Zorn Almaniya ordusunun baş müfəttişi vəzifəsindən azad ediləcək, onu general-mayor Karsten Breuer əvəz edəcək.

63 yaşlı Zorn 2018-ci ildən bu vəzifəni icra edir. Ötən ilin sentyabrında o, Ukrayna hərbçilərinin Rusiya qüvvələrinə tam müqavimət göstərmək qabiliyyətini şübhə altına almışdı.

“Focus” jurnalına müsahibəsində o bildirib ki, Ukrayna geniş cəbhədə Rusiyanı geri çəkə bilməyən əks-hücumlar həyata keçirir.