“Zəlzələdən zərərçəkənlər üçün may ayına qədər 100 min konteyner quraşdırılacaq”.

"Operativ Media" xəbər verir ki, bunu Prezident Rəcəb Tayyib Ərdoğan Türk Dövlətləri Təşkilatının Zirvə Toplantısından sonra jurnalistlərə açıqlayıb.

“May ayına qədər 100 min konteyner quraşdırılacaq, zəlzələdən zərərçəkənləri bu ərazilərə daşıyacağıq.

Fevralın 6-da bizi bir-birinin ardınca iki zəlzələ sarsıtdı. Zəlzələlər 11 əyalətdə ciddi tələfat və dağıntılara səbəb olub. 49 mindən çox insanımızı itirdik. Biz dövlətimizin bütün resurslarını həmin ərazilərə yönəltmişik. 272 min dövlət məmuru zəlzələdən zərərçəkənlərə kömək etdi. Vətəndaş cəmiyyətini də daxil etdikdə bu rəqəm yarım milyona çatır”, - deyə Ərdoğan qeyd edib.