Tofiq Musayev çilili idmançı ilə döyüşəcək

Azərbaycanlı mma döyüşçüsü Tofiq Musayev UFC təşkilatında növbəti döyüşünə çıxacaq.

Operativ Media-nın əldə etdiyi məlumata görə, rəqib çilili idmançı İqnasio Bahamondes olacaq. 

Bu rəqib azərbaycanlı izləyicilərə tanışdır. Belə ki, Rafael Fiziyev Bakıda keçirilən UFC döyüş gecəsində Bahamondesi məğlub etməyi bacarmışdı.

Qeyd edək ki, Tofiq Musayevin ilk açıqlanan rəqibi braziliyalı idmançı Samuel Sançes zədələndiyi üçün döyüşdən çəkilib və onu İqnasio Bahamondes əvəzləyib.

Döyüşün martın 28-də keçiriləcəyi gözlənilir..

Hələ ki bu haqda rəsmi açıqlama yoxdur.