Pakistanda əməliyyat zamanı 10 terrorçu zərərsizləşdirilib

Pakistanın cənub-qərbində, Bəlucistan əyalətində keçirilən əməliyyatlarda 10 terrorçu zərərsizləşdirilib.

Operativ Media xəbər verir ki, bu barədə Pakistan Silahlı Qüvvələri məlumat yayıb.

Bildirilib ki, əməliyyatlar Qabd sərhəd-keçid məntəqəsi və Qvadar şəhəri ətrafında hücum cəhdlərindən sonra başlayıb.

Toqquşmalar zamanı bir mülki şəxs həlak olub, bir neçə nəqliyyat vasitəsinə ziyan dəyib. Təhlükəsizlik qüvvələri arasında itki qeydə alınmayıb.