Cənubi Amerika ölkəsi Peruda tropik "Yaku" qasırğasının yaratdığı daşqınlar nəticəsində 65 nəfər həyatını itirib, 5 nəfər isə itkin düşüb.

"Operativ Media" xəbər verir ki, Peru mətbuatında yer alan xəbərə görə, paytaxt Lima başda olmaqla ölkənin bir çox şəhərində təsirli olan Yaku qasırğası sel və yüzlərlə dağıntıya səbəb olub.

İndiyədək şiddətli qasırğa və daşqınlarda 65 nəfər həyatını itirib, 5 nəfər isə itkin düşüb.

Mülki Müdafiənin son hesabatına görə, təbii fəlakətdən 66 min 853 nəfər zərər çəkib, 9 min 677 evə ziyan dəyib, 1541 ev yararsız hala düşüb.