Ukraynanı təmsil edən azərbaycanlı Avropa çempionu oldu

Serbiyanın Zrenjanin şəhərində güləş üzrə gənclər arasında (U‑23) Avropa çempionatı davam edir.

Operativ Media xəbər verir ki, qadınların sərbəst güləş növündə 50 kq çəki dərəcəsində final görüşünün qalibi müəyyənləşib. Həlledici qarşılaşmada qızıl medalı Ukraynanı təmsil edən azərbaycanlı güləşçi Aida Kərimova qazanıb. O, finalda Rusiyanı təmsil edən Aleksandra Kopılovaya qalib gəlib.

Qeyd edək ki, Kərimova 2024-cü ildə də U-20-lərin yarışında Avropa çempionu olub. O, 2025-ci ildə U-23-lərin Avropa çempionatında isə ikinci yeri tutmuşdu.