Azərbaycanın 3x3 basketbol yığması Çempionlar Kubokuna məğlubiyyətlə başlayıb

Tailandın paytaxtı Banqkokda qadınlar arasında basketbolun 3x3 növü üzrə FIBA Çempionlar Kubokuna start verilib.

Operativ Media xəbər verir ki, turnirdə debüt edən Azərbaycan millisi ilk oyununu keçirib. B qrupunda yer alan yığma Kanada ilə qarşılaşıb. Görüş rəqibin 16:10 hesablı qələbəsi ilə başa çatıb.

Azərbaycan millisinin turnirdə növbəti oyunu bu gün Bakı vaxtı ilə saat 16:05-də ev sahibi Tailanda qarşı olacaq.

Millimiz qrupdakı son matçını isə martın 14-də İspaniyaya qarşı keçirəcək.

Qeyd edək ki, turnirin qalibi Olimpiya Təsnifat turnirinə lisenziya qazanacaq.