İranın şimal-şərqində Gülüstan əyalətinin Akkale rayonunda 5 bal gücündə zəlzələ baş verib.

"Operativ Media" xəbər verir ki, İranın Milli Seysmoloji Mərkəzinin məlumatına görə, episentri Gülüstan əyalətinin Akkale rayonunun Ənbar Alum şəhərində olan 5 bal gücündə zəlzələ yerli vaxtla saat 14.08-də qeydə alınıb.

Zəlzələnin 22 kilometr dərinlikdə baş verdiyi bildirilib.

Gülüstan Böhran Vəziyyətlərində İdarəetmə Mərkəzindən verilən açıqlamada bildirilib ki, bölgədən indiyədək hər hansı dağıntı qeydə alınmayıb.