Riçard Almeyda Braziliyada klubunu dəyişdi

Azərbaycan millisinin və “Qarabağ”ın sabiq futbolçusu Riçard Almeyda Braziliyada klubunu dəyişib.

Operativ Media xəbər verir ki, 36 yaşlı yarımmüdafiəçi D seriyasında yarışan “Alvinegro”ya transfer olunub. Bu haqda klubun yaydığı açıqlamada bildirilib.

“Qarabağ”dan ayrıldıqdan sonra “Primavera” klubunda çıxış edən və 2026-cı il Paulista A1 çempionatında oynayan Riçard artıq yeni komandası ilə məşqlərə başlayıb.