Türkiyədə güclü yağış səbəbindən 2 nəfər ölüb

Türkiyədə yağan güclü yağışlar səbəbindən iki nəfər həyatını itirib, şəhərlərdəki infrastruktura ciddi ziyan dəyib.

Operativ Media xəbər verir ki, ölkənin Osmaniyə vilayətində leysandan sonra daşqınlar və sel səbəbindən 2 nəfər həlak olub.

Kadirli rayonunda axşam saatlarında başlayan güclü yağış səbəbindən rayon mərkəzindən keçən çay məcrasından çıxıb.

Daşqın nəticəsində yaranan sel bəzi avtomobilləri axına qataraq aparıb, bəziləri isə sular altında qalıb.