Ötən ay kanalda batan gəncin meyiti tapılıb

Martın 3-də Yuxarı Şirvan kanalının Göyçay rayonu ərazisindən keçən hissəsində batan və bir aydan çoxdur axtarışları davam edən 1995-ci il təvəllüdlü Abdullayev Zamin Elşad oğlunun meyiti aşkar olunub.

Operativ Media xəbər verir ki, meyit FHN-in Aran Dalğıc Axtarış Qrupu tərəfindən kanalın Hacıalı kəndi yaxınlığından keçən hissəsində tapılaraq sahilə çıxarılıb.

Meyit aidiyyəti üzrə təhvil verilib.

Faktla bağlı araşdırma aparılır.