Binəqədi rayonu, Eldar Babayev küçəsi 49d ünvanında artıq 2 ildir ki, yerdən içməli su sızması problemi davam edir.

Bu barədə Operativ Media-ya vətəndaşlar müraciət ediblər.

Vətəndaşların sözlərinə görə, mövcud vəziyyət nəticəsində ciddi su itkisi baş verir, eyni zamanda ərazidə yol infrastrukturu zərər görür.

Sızma səbəbindən yol örtüyü deformasiyaya uğrayıb, asfalt qatında dərin çöküntülər və deşiklər yaranıb. 

Məsələ ilə bağlı Binəqədi Rayon İcra Hakimiyyətindən saytımıza bildirilib ki, qeyd olunan məsələ ilə bağlı aidiyyəti üzrə Binəqədi Rayon Sukanal İdarəsinə müraciət edilib.

Problemin yaxın vaxtlarda həll oluncağı gözlənilir.