Əfqanıstanda məktəbə əl qumbarası atılıb, iki şagird həlak olub

Əfqanıstanın şimalındakı Cüzcan vilayətinin Kuştəpə rayonunda məktəbə əl qumbarası atılıb.

"Operativ Media" xəbər verir ki, hadisə bağlı Cüzcan Polis İdarəsinin sözçüsü Əbdül Səttar Həlimi mətbuata açıqlama verib.

O bildirib ki, naməlum şəxs Kuştəpə rayonundakı məktəbə əl qumbarası atıb, nəticədə 2 şagird həlak olub, 4 şagird yaralanıb.

Yerli KİV-in məlumatına görə, hadisə qızların təhsil aldığı məktəbdə baş verib. Hadisənin təfərrüatı hələlik məlum deyil.