Ukrayna prezidenti Volodimir Zelenski Çerniqov vilayətinə işgüzar səfəri çərçivəsində Avropa Şurasının baş katibi Mariya Peyçinoviç-Buriç ilə görüşüb.

"Operativ Media" xəbər verir ki, bu barədə Ukrayna prezidentinin mətbuat xidməti məlumat yayıb.

Bildirilib ki, Zelenski və Peyçinoviç-Burıç Yaqidne kəndinə baş çəkib, orada dağıntılara baxış keçiriblər.

Görüş zamanı tərəflər Rusiyanın Ukraynaya qarşı törətdiyi hərbi cinayətlərə görə məsuliyyət daşıması üçün hüquqi cəbhədə görüləcək işləri müzakirə ediblər.