İspaniyanın "Atletiko" klubu Norveç milli komandasının hücumçusu Aleksander Sörlotla yollarını ayırmağa hazırlaşır.

​Operativ Media xəbər verir ki, bu barədə jurnalist Matteo Moretto "X" sosial şəbəkəsindəki hesabında məlumat paylaşıb.

​Məlumata görə, Madrid təmsilçisi 30 yaşlı forvardın transferi üçün 40 milyon avro tələb edir. Norveçli futbolçu ilə Türkiyə klublarının maraqlandığı bildirilir. Sərfəli maliyyə təklifi alacağı təqdirdə, hücumçunun özünün də komandadan ayrılmağa müsbət yanaşdığı qeyd olunub.

​Ötən mövsüm Sörlot bütün turnirlərdə ümumilikdə 54 qarşılaşmada meydana çıxaraq 20 qol vurub və 1 məhsuldar ötürmə müəllifi olub. Hücumçu DÇ-2026-da keçirdiyi 5 matçda isə fərqlənə bilməyib.