"Araz-Naxçıvan" Cavid Hüseynovla yollarını ayırıb

“Araz-Naxçıvan” baş məşqçisi ilə yollarını ayırıb.

Operativ Media xəbər verir ki, Cavid Hüseynovla müqaviləyə qarşılıqlı razılıq əsasında xitam verilib.

Qeyd edək ki, Hüseynovun PRO kateqoriyası olmadığından lisenziyalaşdırma prosesində o, köməkçi, Zaur İsmayılov isə baş məşqçi kimi göstərilirdi. Z. İsmayılovla da müqaviləyə xitam verilib.

“Araz Naxçıvan” 6 oyundan sonra 2 xalla turnir cədvəlində sonuncu, 12-ci yeri tutur.