“Bakı Biznes Mərkəzi” İqtisadiyyat Nazirliyinin tabeliyindən çıxarılıb

“Bakı Biznes Mərkəzi” MMC İqtisadiyyat Nazirliyinin tabeliyindən çıxarılaraq Mədəniyyət Nazirliyinin tabeliyinə verilib.

Operativ Media xəbər verir ki, bununla bağlı Baş nazir Əli Əsədov qərar imzalayıb.

Qərara əsasən, “Bakı Biznes Mərkəzi” MMC Mədəniyyət Nazirliyinin strukturuna daxil olmayan tabeliyindəki qurumların siyahısına əlavə edilib.

Sənədə əsasən, İqtisadiyyat Nazirliyi və Mədəniyyət Nazirliyi qərardan irəli gələn məsələləri qanunvericiliklə nəzərdə tutulmuş qaydada həll etməlidir.