Prezident: Azərbaycan-Moldova əlaqələrinin yüksələn xətt üzrə inkişafı məmnunluq doğurur

"Bu gün Azərbaycan-Moldova ənənəvi dostluq və əməkdaşlıq əlaqələrinin yüksələn xətt üzrə inkişafı məmnunluq doğurur".

Operativ Media xəbər verir ki, bu sözləri Prezident İlham Əliyev Maldova Prezidenti Maya Sanduya ünvanladığı təbrik məktubunda bildirib.

"Əminəm ki, bir-birinə dostluq telləri ilə bağlı olan xalqlarımızın iradəsinə uyğun olaraq ölkələrimiz arasındakı əlaqələrin hərtərəfli inkişafı, əməkdaşlığımızın daha da dərinləşdirilməsi istiqamətində səylərimizi bundan sonra da ardıcıl şəkildə davam etdirəcəyik", - dövlət başçısı qeyd edib.