Tunis sahillərində miqrant qayığı batıb, 15 nəfər ölüb

Tunis sahillərində miqrant qayığı batıb, 15 nəfər ölüb, 47 nəfər xilas edilib.

"Operativ Media" xəbər verir ki, Tunis Milli Təhlükəsizlik Qüvvələrinin sözçüsü Hüsaməddin əl-Cəbabli sosial media hesabından batan qayıqla bağlı açıqlama verib.

Cəbablı açıqlamasında qeyri-qanuni mühacirləri daşıyan qayığın ölkənin cənubundakı Sfaks şəhəri sahillərində batdığını, Dəniz Qüvvələrinin axtarış-xilasetmə qrupunun 15 immiqrantın cəsədlərinə çatdığını bildirib.

Cəbablı 5-i qadın, 9-u uşaq olmaqla 47 immiqrantın xilas edildiyini bildirib.