Mirzoyan MDB XİN rəhbərlərinin iclasında iştirak etmək üçün Özbəkistana gedir

Sabah Ermənistanın xarici işlər naziri Ararat Mirzoyan Özbəkistana işgüzar səfər edəcək.

"Operativ Media" xəbər verir ki, bu barədə Ermənistan Xarici İşlər Nazirliyi məlumat yayıb.

Erməni nazir MDB Xarici İşlər Nazirləri Şurasının Səmərqənddə keçiriləcək iclasında iştirak edəcək.

Xatırladaq ki, nazirlər aktual beynəlxalq və regional mövzular üzrə fikir mübadiləsi aparacaqlar.

Tərəflər MDB formatında çoxtərəfli əməkdaşlığın inkişaf etdirilməsi və möhkəmləndirilməsi perspektivlərini müzakirə edəcək.