Qazaxıstanda KTMT-nin birgə "Rubej-2026" təlimləri keçiriləcək

Qazaxıstanda KTMT-nin "Rubej-2026" təlimi 12-19 sentyabr tarixlərində Jetisu bölgəsindəki Koktal təlim poliqonunda keçiriləcək.

Operativ Media xəbər verir ki, bu barədə Qazaxıstan Müdafiə Nazirliyi məlumat yayıb.

Təlimin hazırlanması və keçirilməsi çərçivəsində 7-30 sentyabr tarixləri arasında Almatı və Jambıl vilayətlərində, eləcə də Jetisu bölgəsində hərbi texnika və şəxsi heyətin planlı hərəkətləri həyata keçiriləcək.

Təlim zamanı səhra təlimləri planlaşdırılır. Hərbi qulluqçular qoşunların yenidən qruplaşdırılmasını, bölmə komandanlığını və təyin olunmuş tapşırıqların yerinə yetirilməsini məşq edəcəklər.