Şavkat Mirziyoyev Serbiyaya rəsmi səfər edəcək

Özbəkistan Prezidenti Şavkat Mirziyoyev sentyabrın 7-8-də Serbiya Prezidenti Aleksandar Vuçiçin dəvəti ilə Serbiyaya rəsmi səfər edəcək.

Operativ Media xəbər verir ki, bu barədə "UZA" məlumat yayıb.

Səfər çərçivəsində Belqradda yüksək səviyyəli danışıqlar aparılacaq və hər iki ölkənin dövlət rəsmiləri ilə biznes dairələrinin nümayəndələrinin iştirakı ilə biznes-forum təşkil olunacaq.

Danışıqlarda Özbəkistan-Serbiya arasında çoxşaxəli tərəfdaşlığın daha da inkişaf etdirilməsi məsələləri müzakirə ediləcək.

Görüşlərdə əsas diqqətin ticarət-iqtisadi və investisiya əməkdaşlığının genişləndirilməsinə, həmçinin nəqliyyat, maşınqayırma, yüngül və qida sənayesi, kənd təsərrüfatı, əczaçılıq və informasiya texnologiyaları sahələrində birgə layihələrin həyata keçirilməsinə yönəldiləcəyi bildirilib.