Şoyqu: Sakit Okean Donanması ən yüksək döyüş hazırlığı səviyyəsinə gətiriləcək

Rusiyanın müdafiə naziri Sergey Şoyqu Sakit Okean Donanmasının döyüş hazırlığını dərhal yoxlamağa başladıqlarını və donanmanın ən yüksək döyüş hazırlığı səviyyəsinə gətiriləcəyini açıqlayıb.

Müdafiə Nazirliyi rəhbərliyinin iclasında çıxış edən Şoyqu bildirib ki,  Vladimir Putinin qərarı ilə təşkil edilən qəfil yoxlama çərçivəsində bütün Sakit Okean Donanması bu gün səhər saat 09:00-dan etibarən döyüş hazırlığı vəziyyətinə gətirilib. 

"Bu yoxlamanın əsas məqsədi Rusiya Silahlı Qüvvələrinin potensial düşmənin okean və dəniz istiqamətlərindən mümkün hücumlarını dəf etmək qabiliyyətini artırmaqdır", - Şoyqu qeyd edib.