Suriyada sursat anbarında partlayış baş verib

Suriyanın İdlib əyalətində sursat anbarında baş verən partlayış nəticəsində ən azı 3 nəfər ölüb, 10-dan çox insan yaralanıb.

Operativ Media xəbər verir ki, bu barədə Suriyanın Müdafiə Nazirliyi məlumat yayıb.

Partlayış Sərmədə şəhəri yaxınlığında silah və müharibə qalıqlarının saxlanıldığı müvəqqəti anbarda baş verib.

Hadisənin səbəbi hələlik məlum deyil. Əraziyə təhlükəsizlik qüvvələri cəlb olunub və ətraf yollar bağlanıb.