TDT-nin Baş katibi İMECE-nin kosmosa buraxılması münasibətilə Türkiyəni təbrik edib

Türk Dövlətləri Təşkilatının(TDT) Baş katibi Kubanıçbek Omuraliyev İMECE peykinin kosmosa buraxılması münasibətilə Türkiyəni təbrik edib.

"Operativ Media" xəbər verir ki, bu barədə məlumatı TDT-nin rəsmi saytı yayıb.

Təbrikdə qeyd edilib ki, Türkiyənin milli imkanları ilə hazırladığı, istehsal və dizayn etdiyi, testdən keçirdiyi peyk bu sahədə atılan mühüm addımdır: "İnanıram ki, Türkiyənin əldə etdiyi bu uğur TDT-yə üzv ölkələr arasında kosmos texnologiyası sahəsində davam edən əməkdaşlığı daha da inkişaf etdirəcək”.

Qeyd edək ki, İMECE bu gün kosmosa buraxılıb.