Qırğızıstanda növbəti Prezident seçkilərinin tarixi açıqlanıb

Qırğızıstan Joqorku Keneşi növbəti Prezident seçkilərinin 2027-ci il yanvarın 27-də keçiriləcəyini təsdiqləyib.

Operativ Media xəbər verir ki, bu barədə ölkənin ali qanunvericilik orqanının mətbuat xidməti məlumat yayıb.

Deputatlar “Qırğızıstan Respublikasında Prezident seçkilərinin təyin edilməsi haqqında” qərar layihəsini nəzərdən keçirərək qəbul ediblər. Qırğızıstan Respublikasında növbəti prezident seçkiləri hazırkı prezidentin səlahiyyət müddətinin bitdiyi ilin yanvar ayının dördüncü çərşənbə günü keçirilir.