Gələn ilin büdcəsində neftin qiyməti 65 dollar götürülüb

2027-2030-cu illər üzrə makroiqtisadi proqnozlarda və büdcə hesablamalarında neftin qiyməti 65 ABŞ dolları götürülüb.

Operativ Media xəbər verir ki, bunu Baş nazir Əli Əsədov hökumətin iclasında bildirib.

O qeyd edib ki, bu yanaşma makroiqtisadi sabitliyin və dayanıqlığın təmin olunması məqsədilə tətbiq edilən baza ssenarisinə əsaslanır.

Əli Əsədov həmçinin bildirib ki, Azərbaycanın strateji valyuta ehtiyatları hazırda təxminən 91 milyard dollar təşkil edir. Bu göstərici xarici dövlət borcunu 20 dəfəyə yaxın üstələyir.