Azərbaycanın U-21 millisi səfərdə Şotlandiya ilə qarşılaşacaq

Azərbaycanın 21 yaşadək futbolçulardan ibarət milli komandası bu gün Avropa çempionatının seçmə mərhələsində Şotlandiya yığması ilə üz-üzə gələcək.

Operativ Media xəbər verir ki, Rəşad Eyubovun rəhbərlik etdiyi komanda səfər oyununda Şotlandiyanın müvafiq yaş qrupundan ibarət komandası ilə qarşılaşacaq.

Kilmarnok şəhərində keçiriləcək görüş Bakı vaxtı ilə saat 22:30-da başlayacaq.

Seçmə mərhələdə 8 turdan sonra Azərbaycan yığmasının hesabında 7 xal var və komanda turnir cədvəlinin 5-ci pilləsində qərarlaşıb. Şotlandiya isə 11 xalla 4-cü sıradadır.