Sahibə Qafarova: Qarşılıqlı səfərlər Azərbaycan-Slovakiya münasibətlərinə töhfə verib

Azərbaycan və Slovakiya arasında münasibətlərin inkişafında yüksək səviyyəli qarşılıqlı səfərlər mühüm rol oynayır.

Operativ Media  xəbər verir ki, bunu Milli Məclisin sədri Sahibə Qafarova Slovakiyanın Milli Günü münasibətilə keçirilən rəsmi qəbulda deyib.

O bildirib ki, Azərbaycan Prezidenti İlham Əliyevin Slovakiyaya və Slovakiya Prezidenti Peter Pelleqrinin Azərbaycana rəsmi səfərləri iki ölkə arasında əlaqələrin inkişafına mühüm töhfə verib.

S.Qafarova iki ölkə xalqları arasında əlaqələrin və qarşılıqlı ünsiyyətin daha da inkişaf etdirilməsinin vacibliyini vurğulayıb.

Milli Məclisin sədri Azərbaycan və Slovakiya arasında parlamentlərarası əlaqələrin də inkişaf etdiyini qeyd edib.