İrana silah tədarükündə ittiham olunan 10 şəxs və şirkətə sanksiya tətbiq edilib

ABŞ Maliyyə Nazirliyi İranın silah və hərbi komponentlər əldə etməsinə kömək göstərməkdə ittiham etdiyi 10 fiziki və hüquqi şəxsə qarşı sanksiya tətbiq edib.

Operativ Media xəbər verir ki, sanksiyaya məruz qalan şəxslər və şirkətlər İranın Müdafiə Nazirliyi və Silahlı Qüvvələrinin hərbi təchizat zəncirində iştirak ediblər. 

Onların İran üçün silah və komponentlərin alınmasını təşkil etdiyi bildirilir.

Məhdudiyyətlərin İranla yanaşı, Çin, Honq-Konq və Pakistanda fəaliyyət göstərən şəxslərə və şirkətlərə şamil edildiyi açıqlanıb.