Rusiyada Tu-95 təyyarəsi qəzaya uğrayıb: 6 ekipaj üzvü ölüb

Rusiyanın Amur vilayətində Tu-95 strateji bombardmançı təyyarəsinin qəzaya uğraması nəticəsində 6 ekipaj üzvü həlak olub.

Operativ Media xəbər verir ki, bu barədə Rusiya Müdafiə Nazirliyi məlumat yayıb.

Bildirilib ki, təyyarə təlim-məşq uçuşu zamanı yaşayış olmayan əraziyə düşüb. Ekipajın bir üzvü xəstəxanaya yerləşdirilib.

Məlumata görə, təyyarədə döyüş sursatı olmayıb. Hadisə yerinə Rusiya Aerokosmik Qüvvələrinin komissiyası göndərilib.