“Vest Hem” baş məşqçisi Nunu Eşpiritu Santunu vəzifəsindən azad edib

“Vest Hem” klubu portuqaliyalı mütəxəssis Nunu Eşpiritu Santunun baş məşqçi postundan ayrıldığını açıqlayıb.

Operativ Media xəbər verir ki, London təmsilçisinin rəhbərliyi İngiltərə Çempionşipində mövsümün başlanğıcını təhlil etdikdən sonra klubun qarşıya qoyduğu hədəflərə çatmaq üçün dəyişikliklərin zəruri olduğu qənaətinə gəlib.

Baş məşqçi ilə yanaşı, onun köməkçisi Rui Pedro Silva və qapıçılar üzrə məşqçi Rui Barboza da komandadan ayrılıb.

Klub yeni baş məşqçinin axtarışına başlayıb. Sabah “Kardiff Siti” ilə keçiriləcək Çempionşip matçına hazırlıq isə müvəqqəti olaraq Mark Nobl, Stiv Potts və Cerard Prendervillə həvalə edilib.

Çempionşipdə 13 turdan sonra 22 xal toplayan “Vest Hem” turnir cədvəlinin səkkizinci pilləsində qərarlaşıb. Komandanın birbaşa Premyer Liqaya yüksəlmə zonasından geriliyi 4 xaldır.

London klubu çempionatın son beş oyununda iki qələbə qazanıb, bir heç-heçə edib və iki dəfə məğlub olub.