Cari ilin 9 ayında Azərbaycandan 30 milyon dollara yaxın kartof ixrac olunub

2026-cı ilin yanvar-sentyabr aylarında ölkədən 29,7 milyon ABŞ dolları dəyərində 77,4 min ton kartof ixrac edilib.

Operativ Media Dövlət Gömrük Komitəsinin hesabatına istinadən xəbər verir ki, ötən ilin müvafiq dövrü ilə müqayisədə ixracın dəyəri 5,4 faiz, həcmi isə 9,1 faiz artıb.

Cari ilin ilk 9 ayında kartofun ümumi ixracda xüsusi çəkisi 0,12 faizə, qeyri-neft məhsullarının ixracında çəkisi isə 0,45 faizə bərabər olub.