Parisdə gödəkçəsi metronun qapısına ilişən qadın sürüklənərək ölüb

Fransanın paytaxtı Parisdə gödəkçəsi metronun avtomatik qapısına ilişən qadın qatar hərəkət edərkən dünyasını dəyişib.

"Operativ Media" xəbər verir ki,  “France Info”nun xəbərinə görə, paytaxt Paris və ətrafında ictimai nəqliyyatdan məsul qurum olan RATP-nin verdiyi açıqlamada Bel-air stansiyasında gödəkçəsi metronun avtomatik qapısına ilişən qadının sürüklənərək dünyasını dəyişdiyi bildirilib. 

Məlumata görə, 40 yaşlarında olan qadın metrodan çıxarkən pencəyi bağlanan avtomatik qapıya ilişib.  Qadın hərəkətdə olan metronun altına düşüb və sürüklənib.

Yardım qruplarının müdaxiləsinə baxmayaraq qadın həyatını itirib.

 Hadisə ilə bağlı araşdırmalara başlanılıb.