Litvada qanunsuz miqrantların olduğu avtomobil su anbarına düşüb

Litvada qanunsuz miqrantların olduğu avtomobil su anbarına düşüb.

"Operativ Media" Litva mətbuatına istinadən xəbər verir ki, hadisə ötən gecə yarısı Senoses Radiskes (Kalvariya) kəndində baş verib.

Sürücü və qeyri-qanuni mühacirlərdən biri həlak olub. Həmçinin, ilkin məlumatlara görə, daha 5 nəfər, o cümlədən 16 yaşlı yeniyetmə yaralanıb.

Litva mətbuatı avtomobildə Suriya vətəndaşlarının olduğunu, sürücünün isə Moldova vətəndaşı olduğunu yazır.

“Audi” markalı avtomobil polisin tələbi ilə dayanmayıb, kəskin döngədə yoldan çıxıb, dirəyə dəyib və gölməçəyə aşıb.

Faktla bağlı araşdırma aparılır.