İspaniyada F-18 qırıcı təyyarəsi magistral yola çırpılıb

İspaniyada F-18 qırıcı təyyarəsi Saraqosa aviabazasında uçuş nümayişi zamanı magistral yolda qəzaya uğrayıb.

"Operativ Media" xəbər verir ki, İspaniya Müdafiə Nazirliyindən verilən açıqlamada ölkənin şimal-qərbində, Araqona bölgəsində yerləşən Saraqosa şəhərindəki hava bazasında əsgər ailələrinin də iştirak etdiyi mərasim təşkil edilib. Mərasimdə döyüş təyyarələrinin nümayişi zamanı F-18 magistral yolda qəzaya uğrayıb.

Pilotun vəziyyətinin yaxşı olduğu və xəstəxanaya aparıldığı bildirilən açıqlamada pilotun qəza zamanı özünü təyyarədən atdığı bildirilib.