Bir həftədən çoxdur püskürən Popokatepetl vulkanı Meksikada həyatı iflic edib.
"Operativ Media" xəbər verir ki, ətraf şəhərlər kül təbəqəsi altında qalıb, həmçinin qatı tüstü nəqliyyatın hərəkətinə çətinlik törədib. 25 milyon insanın yaşadığı bir coğrafiyanı əhatə edən vulkana görə məktəblər bağlanıb. Kraterdən püskürən közərmiş qaya parçalarına görə sarı rəngli xəbərdarlığın 3-cü fazası tətbiq edilib. Ordunun 6 mindən çox şəxsi heyəti hazır vəziyyətə gətirilib. Qeyd edək ki, aktiv vulkan paytaxt Mexikodan 50 km aralıda yerləşir.
