Mövsümün sonunda "Çelsi"dən ayrılacaq Hakim Ziyeç yenidən "Qalatasaray"ın gündəminə düşüb.
"Operativ Media" xəbər verir ki, "Qalatasaray"ın prezident müavini Erden Timur ara transfer dövründə Hakim Ziyeçi istədiklərini etiraf edib və transferin 3 dəqiqə ilə əldən qaçdığını bildirib.
"Sarı-qırmızılı" klubun futbolçunun vəziyyətini yaxından izlədiyi və mövsümün sonunda yeni gedişlər edə biləcəyi bildirilir.
Bu mövsüm "Çelsi"nin heyətində bütün turnirlər daxil 23 oyun keçirən və 921 dəqiqə meydanda olan Hakim Ziyeç 2 məhsuldar ötürmə ilə yadda qalıb.
30 yaşlı mərakeşli futbolçunun İngiltərə klubu ilə 2025-ci ilə qədər müqaviləsi var.
