Andres İnyesta Yaponiya klubundan ayrılacaq

"Vissel Kobe" futbolçusu Andres İnyesta ilə yollarını ayıracaq.

"Operativ Media" klubun saytına istinadən xəbər verir ki, 39 yaşlı yarımmüdafiəçi iyunun 1-də "Hokkaydo"ya qarşı keçiriləcək çempionat oyununda son matçına çıxacaq.

İnyesta 2018-ci ilin yayından Yaponiya klubunda çıxış edirdi. O, bu mövsüm 5 oyunda iştirak edib.

İnyesta 2002-2018-ci illərdə "Barselona"da forma geyinib.