"Fənərbağça"nın futbolçusu Arda Güler karyerasını Almaniyada davam etdirə bilər.

"Operativ Media" xəbər verir ki, "Leypsiq" 18 yaşlı yarımmüdafiəçinin xidmətində maraqlıdır. Bu barədə Türkiyə mətbuatı məlumat yayıb. Bundesliqa təmsilçisi Güler üçün İstanbul klubu ilə danışıqlara başlayıb.

Ardanın adı Dortmund "Borussiya"sı, "Bavariya", "Barselona", "Ayaks", "Real" kimi klublarla da hallanır.

Yarımmüdafiəçi bu mövsüm 31 oyunda 6 qol, 5 məhsuldar ötürmə ilə yadda qalıb.